kuchh baat mere munh se nikalne nahi dete

kuchh baat mire muñh se nikalne nahii. dete

allāh-re ġhamze ki sambhle nahii. dete

kāfir nahii. karte haiñ musalmāñ nahii. rakhte

dam-bhar mujhe ik raah chalne nahii. dete

labrez hai dil josh-e-anā-allāh se lekin

is kuuze se dariyā ko ubalne nahii. dete

kar jaate haiñ har dard meñ aakar mirī taskīñ

laḳht dil sad paara ugalne nahii. dete

āshiq huuñ mujhe ishq se tarkīb diyā hai

miTTī meñ milā kar mujhe galne nahii. dete

dāġhoñ se banāyā hai mujhe sarv charāġhāñ

kyā ġham hai agar phūlne phalne nahii. dete

pāmāl kyā mujh ko aziiz un kī ravish ne

āñḳheñ kabhī un talvoñ se milne nahīñ dete

kuchh baat mere munh se nikalne nahi dete

allah-re ghamze ki sambhle nahi dete

kafir nahi karte hain musalman nahi rakhte

dam-bhar mujhe ek rah chalne nahi dete

labrez hai dil josh-e-ana-allah se lekin

is kuze se dariya ko ubalne nahi dete

kar jate hain har dard mein aakar meri taskin

laKHt dil sad para ugalne nahi dete

aashiq hun mujhe ishq se tarkib diya hai

miTTi mein mila kar mujhe galne nahi dete

daghon se banaya hai mujhe sarw charaghan

kya gham hai agar phulne phalne nahi dete

pamal kya mujh ko aziz un ki rawish ne

aanKHen kabhi un talwon se milne nahin dete