bagh mein saqi ke shahid nargis-e-sharsar hai

baaġh meñ saaqī ke shāhid nargis-e-sharsār hai

kis qadar āshufta sar par gul ke ab dastār hai

sub.h-e-mahshar hai tabassum us lab-e-mai guuñ ke ta.iiñ

chashm-e-ḳhvāb ālūda-e-sāqī fitna-e-bedār hai

nā-tavāñ dekhā hai shāyad chashm-e-sāqī ke vahāñ

is qadar gulshan meñ nargis is sabab bīmār hai

vajd meñ kab aave gar vaañ naġhma-e-dā.ūd ho

zāhid be-dard goyā sūrat-e-bīmār hai

kyā tabassum us lab-e-jāñ-baḳhsh kā e.ajāz hai

shor sun us kā masīhā charḳh par bīmār hai

bagh mein saqi ke shahid nargis-e-sharsar hai

kis qadar aashufta sar par gul ke ab dastar hai

subh-e-mahshar hai tabassum us lab-e-mai gun ke tain

chashm-e-KHwab aaluda-e-saqi fitna-e-bedar hai

na-tawan dekha hai shayad chashm-e-saqi ke wahan

is qadar gulshan mein nargis is sabab bimar hai

wajd mein kab aawe gar wan naghma-e-daud ho

zahid be-dard goya surat-e-bimar hai

kya tabassum us lab-e-jaan-baKHsh ka eajaz hai

shor sun us ka masiha charKH par bimar hai