jo nazar teri tajalli ke muqabil Thahre

jo nazar terī tajallī ke muqābil Thahre

vahī me.ayār tamīz-e-haq-o-bātil Thahre

un kā kūcha na sahī ka.aba sahī dair sahī

kisī manzil pe tū āvāra-e-manzil Thahre

tum to āzād ho tum kyuuñ na baḌho chand qadam

ham to har haal meñ pāband-e-salāsil Thahre

josh-e-vahshat meñ jo majnūñ ne uḌāyā thā ġhubār

vahī majnūñ ke liye parda-e-mahmil Thahre

de kuchh is tarah duhā.ī ki jaras chup ho jaa.e

chādar gar phaTe fāqa-e-mahmil Thahre

us meñ taḳhsīs-e-kunisht-o-haram-o-dair nahīñ

dil kī manzil to vahī hai ki jahāñ dil Thahre

na tamāsha na tahayyur na tajallī ai 'badr'

haif us ā.īna kī qismat jo mirā dil Thahre

jo nazar teri tajalli ke muqabil Thahre

wahi meayar tamiz-e-haq-o-baatil Thahre

un ka kucha na sahi kaba sahi dair sahi

kisi manzil pe tu aawara-e-manzil Thahre

tum to aazad ho tum kyun na baDho chand qadam

hum to har haal mein paband-e-salasil Thahre

josh-e-wahshat mein jo majnun ne uDaya tha ghubar

wahi majnun ke liye parda-e-mahmil Thahre

de kuchh is tarah duhai ki jaras chup ho jae

chadar gar phaTe faqa-e-mahmil Thahre

us mein taKHsis-e-kunisht-o-haram-o-dair nahin

dil ki manzil to wahi hai ki jahan dil Thahre

na tamasha na tahayyur na tajalli ai 'badr'

haif us aaina ki qismat jo mera dil Thahre