meri aankh band thi jab talak wo nazar mein nur-e-jamal tha

merī aañkh band thī jab talak vo nazar meñ nūr-e-jamāl thā

khulī aañkh to na ḳhabar rahī ki vo ḳhvāb thā ki ḳhayāl thā

mere jī meñ thā ki kahūñgā maiñ ye jo dil pe rañj-o-malāl hai

vo jab aa gayā mere sāmne na to rañj thā na malāl thā

pas-e-parda sunke terī sadā mirā shauq-e-dīd jo baḌh gayā

yahī iztirāb-e-kamāl thā yahī vajd thā yahī haal thā

'zafar' us se chhuT ke jo just kī to ye jaana ham ne ki vāqa.ī

faqat ek qaid-e-ḳhudī kī thī na qafas thā koī na jaal thā

meri aankh band thi jab talak wo nazar mein nur-e-jamal tha

khuli aankh to na KHabar rahi ki wo KHwab tha ki KHayal tha

mere ji mein tha ki kahunga main ye jo dil pe ranj-o-malal hai

wo jab aa gaya mere samne na to ranj tha na malal tha

pas-e-parda sunke teri sada mera shauq-e-did jo baDh gaya

yahi iztirab-e-kamal tha yahi wajd tha yahi haal tha

'zafar' us se chhuT ke jo just ki to ye jaana hum ne ki waqai

faqat ek qaid-e-KHudi ki thi na qafas tha koi na jal tha