Font by Mehr Nastaliq Web

kya ye surat-gari ai jazba-e-dil hoti jati hai

Behzad Lakhnavi

kya ye surat-gari ai jazba-e-dil hoti jati hai

Behzad Lakhnavi

MORE BYBehzad Lakhnavi

    kyā ye sūrat-garī ai jazba-e-dil hotī jaatī hai

    ki vo sūrat nigāhoñ ke muqābil hotī jaatī hai

    jabīñ jhukne lagī hai har qadam par kū-e-jānāñ meñ

    zahe qismat ki puurī hasrat-e-dil hotī jaatī hai

    maza dene lagī hai sham’-o-parvāna bechainī

    ye duniyā vāqif-e-asrār-e-mahfil hotī jaatī hai

    ḳhudā rakhe ḳhudā rakhe yuuñ ye mauj-e-bahr-e-ġham

    ba-zāhir mauj hai bātin meñ sāhil hotī jaatī hai

    mujhe āvāz detī haiñ fazā.eñ yās-o-hirmāñ

    mohabbat aur mushkil vaar mushkil hotī jaatī hai

    kabhī naale kiye pahroñ kabhī aaheñ kabhī shevan

    rasā.ī is tarah manzil ba-manzil hotī jaatī hai

    tasavvur ne basāyā hai nayā 'ālam na.ī duniyā

    merī tanhā.ī bhī ham-rañg-e-mahfil hotī jaatī hai

    hamesha se guzārī hai taḌap kar zindagī ham ne

    mohabbat sahl kab thī jo mushkil hotī jaatī hai

    merī ġham-gushtagī 'bahzād' mujh ko raas aa.ī hai

    ki mere vāste vārafta manzil hotī jaatī hai

    kya ye surat-gari ai jazba-e-dil hoti jati hai

    ki wo surat nigahon ke muqabil hoti jati hai

    jabin jhukne lagi hai har qadam par ku-e-jaanan mein

    zahe qismat ki puri hasrat-e-dil hoti jati hai

    maza dene lagi hai sham’-o-parwana ki bechaini

    ye duniya waqif-e-asrar-e-mahfil hoti jati hai

    KHuda rakhe KHuda rakhe yun hi ye mauj-e-bahr-e-gham

    ba-zahir mauj hai baatin mein sahil hoti jati hai

    mujhe aawaz deti hain fazaen yas-o-hirman ki

    mohabbat aur mushkil war mushkil hoti jati hai

    kabhi nale kiye pahron kabhi aahen kabhi shewan

    rasai is tarah manzil ba-manzil hoti jati hai

    tasawwur ne basaya hai naya 'alam nai duniya

    meri tanhai bhi ham-rang-e-mahfil hoti jati hai

    hamesha se guzari hai taDap kar zindagi hum ne

    mohabbat sahl hi kab thi jo mushkil hoti jati hai

    meri gham-gushtagi 'bahzad' mujh ko ras aai hai

    ki mere waste warafta manzil hoti jati hai

    Source :
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now