انہیں پا کے بھی چین حاصل نہیں ہے

انہیں پا کے بھی چین حاصل نہیں ہے

مصیبت ہے پہلو میں یہ دل نہیں ہے

ہے دشوار تر سجدۂ شوق کرنا

جبیں کہہ رہی ہے کہ مشکل نہیں ہے

کریں کیا یہ دیوانگانِ محبت

سبھی کچھ ہے حاصل مگر دل نہیں ہے

مجھ دیکھ کر مسکرا دینے والے

تمنا کا میری یہ حاصل نہیں ہے

نشیب و فراز الم کیا بتاؤں

وہ طوفان نہیں ہے یہ ساحل نہیں ہے

ابھی تو نہ آئیں گے وہ بن بلائے

ابھی جذبۂ شوقِ کامل نہیں ہے

ذرا دیکھ لیں کاسۂ دست مجھ کو!

جو کہتے ہیں بہزادؔ سائل نہیں ہے