مری انجمن میں آ جا یہی تیری انجمن ہے

مری انجمن میں آ جا یہی تیری انجمن ہے

نہ تو ہر روش روش ہے نہ تو ہر چمن چمن ہے

یہ جو ہیں تری ادائیں یہی جو تیری پھبن ہے

یہی صبح انجمن ہے یہی شامِ انجمن ہے

میرا درد بڑھ گیا ہے یہ جو اشک آ گئے ہیں

یہ جو آہ گھٹ گئی ہے میرے غم کا بانکپن ہے

ایک عجیب سے خلش ہے میرے دونوں پہلوؤں میں

کبھی اس طرف جلن ہے کبھی اس طرف جلن ہے

اسے کفر و دیں مطلب اسے کیا غرض کسی سے

ترا بیخود محبت تیری یاد میں مگن ہے

یہی داغِ دل ہمارا یہی آتش گوارا

یہی برگ بے شجر ہے یہی پھول بے چمن ہے

میرے شعر سننے والے ذرا یہ خیال رکھیں

کہ بیاں پس بیاں ہے کہ سخن پس سخن ہے