meri anjuman mein aa ja yahi teri anjuman hai

mirī anjuman meñ aa jā yahī terī anjuman hai

na to har ravish ravish hai na to har chaman chaman hai

ye jo haiñ tirī adā.eñ yahī jo terī phaban hai

yahī sub.h-e-anjuman hai yahī shām-e-anjuman hai

merā dard baḌh gayā hai ye jo ashk aa ga.e haiñ

ye jo aah ghaT ga.ī hai mere ġham kā bāñkpan hai

ek 'ajīb se ḳhalish hai mere donoñ pahluoñ meñ

kabhī is taraf jalan hai kabhī us taraf jalan hai

use kufr-o-dīñ matlab use kyā ġharaz kisī se

tirā be-ḳhud-e-mohabbat terī yaad meñ magan hai

yahī daaġh dil hamārā yahī ātish gavārā

yahī barg-e-be-shajar hai yahī phūl-e-be-chaman hai

mere she'r sunñe vaale zarā ye ḳhayāl rakkheñ

ki bayāñ pas-e-bayāñ hai ki suḳhan pas-e-suḳhan hai

meri anjuman mein aa ja yahi teri anjuman hai

na to har rawish rawish hai na to har chaman chaman hai

ye jo hain teri adaen yahi jo teri phaban hai

yahi subh-e-anjuman hai yahi sham-e-anjuman hai

mera dard baDh gaya hai ye jo ashk aa gae hain

ye jo aah ghaT gai hai mere gham ka bankpan hai

ek 'ajib se KHalish hai mere donon pahluon mein

kabhi is taraf jalan hai kabhi us taraf jalan hai

use kufr-o-din matlab use kya gharaz kisi se

tera be-KHud-e-mohabbat teri yaad mein magan hai

yahi dagh dil hamara yahi aatish gawara

yahi barg-e-be-shajar hai yahi phul-e-be-chaman hai

mere she'r sunne wale zara ye KHayal rakkhen

ki bayan pas-e-bayan hai ki suKHan pas-e-suKHan hai