din Dhala Dhal ke waqt-e-sham aaya

din Dhalā Dhal ke vaqt-e-shām aayā

be-qarārī kā phir salām aayā

jab kisī ne koī savāl kiyā

lab pe ghabrā ke un kā naam aayā

sab ko saaqī ne kar diyā sairāb

haaye mujh tak na koī jaam aayā

dil kī hastī tabāh ho ke rahī

'ishq kā naam mere kaam aayā

miT ga.ī be-qarārī-e-shab-e-ġham

sub.h ban kar kisī kā naam aayā

muztar dard-e-mudda'ā 'bahzād'

dar-e-murshid se shaad kaam aayā

din Dhala Dhal ke waqt-e-sham aaya

be-qarari ka phir salam aaya

jab kisi ne koi sawal kiya

lab pe ghabra ke un ka nam aaya

sab ko saqi ne kar diya sairab

haye mujh tak na koi jam aaya

dil ki hasti tabah ho ke rahi

'ishq ka nam mere kaam aaya

miT gai be-qarari-e-shab-e-gham

subh ban kar kisi ka nam aaya

muztar dard-e-mudda'a 'bahzad'

dar-e-murshid se shad kaam aaya