کس نے سمجھ لیا مجھے، کون سمجھ سکا مجھے

کس نے سمجھ لیا مجھے، کون سمجھ سکا مجھے

گم ہوں کسی کی یاد میں اپنا نہیں پتا مجھے

کیوں ہیں یہ آہ و زاریاں کیوں ہیں یہ بے قراریاں

شام ہی عینِ صبح تھی صبح کو یہ کھلا مجھے

راہبروں سے چل سکا کام نہ راہِ عشق میں

جب ملا کوئی راہزن مل گیا راستہ مجھے

گھر کو خدا کے چھوڑ کر دیر کی سمت ہوں رواں

ہائے کدھر کو لے چلا دل کا معاملہ مجھے

عشق کا جو مآل ہے، وہ بھی عجیب حال ہے

یعنی خوشی کی روپ میں غم ہی نظر پڑا مجھے

تیرے قدم سے دور تھی میری جبینِ آرزو

تیری نگاہ ناز نے دے دیا حوصلہ مجھے

حال جو ہو گیا زبوں ہونے لگا جو سرنگوں

ذرے جہانِ عشق کے دینے لگی صدا مجھے