رہا گو میری زباں تک مرا غم بھرا افسانہ

رہا گو میری زباں تک مرا غم بھرا افسانہ

مگر اس کو کیا کروں میں کہ سنا کیا زمانہ

میرا کعبۂ محبت ہے تیرا ہی آستانہ

تیری رہ گزر میں گم ہے مرا جذب عارفانہ

میرے ذوق کی کہانی مرے شوق کا فسانہ

یہ درودِ صبح گاہی یہ نمازِ پنج گانہ

نہ تو لب پہ کوئی نوحہ نہ زباں پہ ہے ترانہ

میرا عالم محبت نہ سمجھ سکا زمانہ

یہ صدائے بے صدائی یہ زبانِ بے زبانی

کبھی بن گئی خموشی کبھی کہہ گئی فسانہ

یہ فضا ہے آج کیسی کہ ہے چار سو اداسی

یہ بدل گیا ہوں میں ہی کی بدل گیا زمانہ

رہے تا ابد سلامت رہے تا بحشر آ میں

مرا رنگ بے نوائی تیری شانِ خسروانہ