zamin kya kare aasman kya kare

zamīñ kyā kare āsmāñ kyā kare

jo ham ġham meñ haiñ āsmāñ kyā kare

batāo gulo tum hī kuchh raa.e do

ḳhizāñ aa ga.ī gulistāñ kyā kare

jo ho zarf-e-mai-kash hī nā-ustuvār

karīmī-e-pīr-e-muġhāñ kyā kare

zabāñ rakh ke jab hai zamāna ḳhamosh

batāo koī be-zabāñ kyā kare

kahāñ jaa.e amn-o-sukūñ ko koī

kahāñ tum nahīñ ho kahāñ kyā kare

haiñ gulshan kī qismat meñ tārājiyāñ

nigāh-e-ġham-e-bāġhbāñ kyā kare

jo 'bahzād' ḳhud raaz ho munkashif

batāo tumhīñ rāz-dāñ kyā kare

zamin kya kare aasman kya kare

jo hum gham mein hain aasman kya kare

batao gulo tum hi kuchh rae do

KHizan aa gai gulistan kya kare

jo ho zarf-e-mai-kash hi na-ustuwar

karimi-e-pir-e-mughan kya kare

zaban rakh ke jab hai zamana KHamosh

batao koi be-zaban kya kare

kahan jae amn-o-sukun ko koi

kahan tum nahin ho kahan kya kare

hain gulshan ki qismat mein tarajiyan

nigah-e-gham-e-baghban kya kare

jo 'bahzad' KHud raaz ho munkashif

batao tumhin raaz-dan kya kare