پیشِ نگاہِ شوق وہ صورت ہے آج کل

پیشِ نگاہِ شوق وہ صورت ہے آج کل

دنیا مرے خیال کی جنت ہے آج کل

اک سنگِ در کو ہے مرے سجدوں کی آرزو

میرا نصیب ہے مری قسمت ہے آج کل

ایسا پھنسا ہوا ہوں فریبِ خیال میں

جیسے کہ ہر قدم مجھے ہے آج کل

خوشیاں کچھ اس طرح سے عطا کیں کریم نے

کہنا پڑا کہ غم کی ضرورت ہے آج کل

اس چشمِ ناز میں بھی ہیں آنسو بھرے ہوئے

بدلا ہوا نظامِ محبت ہے آج کل

وہ چھا گئے ہیں کون و مکاں پر کچھ اس طرح

مجھ کو ہر ایک ذرہ سے الفت ہے آج کل

رفتارِ نازِ یار کے بہزادؔ میں نثار

جس سمت دیکھتا ہوں قیامت ہے آج کل