سکوں نصیب نہیں تھے، نہ تھے قرار کے دن

سکوں نصیب نہیں تھے، نہ تھے قرار کے دن

بڑے فریب میں گذرے مرے بہار کے دن

کہاں یہ رات کے نالے کہاں یہ دن کی تڑپ

کہاں سکون کی راتیں کہاں قرار کے دن

کسی کا روئے منور ہے پیشِ چشم و نگاہ

بڑے مزے میں گذرتے ہیں انتظار کی دن

مری فغاں میں وہ شانِ کمالِ غم نہ رہی

خزاں کے روپ میں آنے لگے بہار کے دن

جبینِ شوق ذرا سجدہ ریزیاں دکھلا

مزہ تو جب ہے کہ پھر جائیں کوئے یار کون

نظر نہ آئے گا کچھ بھی سوائے حدِ نظر

نظر کی آبرو جائے گی دید یار کے دن

زمانہ کچھ بھی کہے اس کو لیکن اے بہزادؔ

ہمیں تو خون رلاتے رہے بہار کے دن