be-nishan ka koi pata na mila

be-nishāñ kā koī pata na milā

ham ne DhūñDhā hameñ ḳhudā na milā

ek tum hī na ham ko mil paa.e

varna milne ko ham ko kyā na milā

ham ne saarā jahāñ DhūñDh liyā

koī ḳhush-kām mudda'ā na milā

pur huā merā dāman-e-ummīd

tere sadqe meñ mujh ko kyā na milā

merī kashtī ko mil gayā tūfāñ

merī kashtī ko nā-ḳhudā na milā

liyā rahzan se rahbarī kā kaam

jab hameñ koī rahnumā na milā

un ko 'bahzād' pā liyā jis dam

mujh ko apnā kahīñ pata na milā

be-nishan ka koi pata na mila

hum ne DhunDha hamein KHuda na mila

ek tum hi na hum ko mil pae

warna milne ko hum ko kya na mila

hum ne sara jahan DhunDh liya

koi KHush-kaam mudda'a na mila

pur hua mera daman-e-ummid

tere sadqe mein mujh ko kya na mila

meri kashti ko mil gaya tufan

meri kashti ko na-KHuda na mila

liya rahzan se rahbari ka kaam

jab hamein koi rahnuma na mila

un ko 'bahzad' pa liya jis dam

mujh ko apna kahin pata na mila