wo surat jo dil mein utar jaegi

vo sūrat jo dil meñ utar jā.egī

mohabbat kī duniyā sañvār jā.egī

kahāñ tak sahūñgā maiñ ālām-e-ġham

guzarte guzarte guzar jā.egī

mire baa'd kyā hogā terā ma.aal

mirī bebasī tū kidhar jā.egī

zarā dil ko mānūs-e-ġham kar to luuñ

kalī jab khilegī nikhar jā.egī

kisī din ye aañsū bhī tham jā.eñge

jo nadī chaḌhī hai utar jā.egī

un aahoñ kā kuchh aur maqsad nahīñ

kisī be-ḳhabar ko ḳhabar jā.egī

haqīqī hai 'bahzād' 'ālam merā

mirī aah kyuuñ be-asar jā.egī

wo surat jo dil mein utar jaegi

mohabbat ki duniya sanwar jaegi

kahan tak sahunga main aalam-e-gham

guzarte guzarte guzar jaegi

mere ba'd kya hoga tera maal

meri bebasi tu kidhar jaegi

zara dil ko manus-e-gham kar to lun

kali jab khilegi nikhar jaegi

kisi din ye aansu bhi tham jaenge

jo nadi chaDhi hai utar jaegi

un aahon ka kuchh aur maqsad nahin

kisi be-KHabar ko KHabar jaegi

haqiqi hai 'bahzad' 'alam mera

meri aah kyun be-asar jaegi