ishq jab se dil ko kaif-be-aman dene laga

'ishq jab se dil ko kaif-be-amāñ dene lagā

sar ko lazzat aur sañg-e-āstāñ dene lagā

maiñ to mānūs-e-alam thā uf ye mujh ko kyā huā

ab to merā ġham bhī mujh ko talḳhiyāñ dene lagā

is tarah mahrūm-e-nāla dekhte haiñ chashm-e-dost

jaise koī be-zabānoñ ko zabāñ dene lagā

allāh-allāh un ke aate hī qayāmat aa ga.ī

yā'nī ik lamha hayāt-e-jāvidāñ dene lagā

rah-ravī meñ merī qismat kā karishma dekhiye

rāhzan-e-ḳhud mujh ko manzil kā nishāñ dene lagā

mai-kade meñ mere saaqī kā karam to dekhnā

jaam ke badle mujhe be-tābiyāñ dene lagā

maiñ gadā us kā huuñ ai 'bahzād' jo dast-e-karam

be-talab mujh ko matā’-e-do-jahāñ dene lagā

'ishq jab se dil ko kaif-be-aman dene laga

sar ko lazzat aur sang-e-astan dene laga

main to manus-e-alam tha uf ye mujh ko kya hua

ab to mera gham bhi mujh ko talKHiyan dene laga

is tarah mahrum-e-nala dekhte hain chashm-e-dost

jaise koi be-zabanon ko zaban dene laga

allah-allah un ke aate hi qayamat aa gai

ya'ni ek lamha hayat-e-jawidan dene laga

rah-rawi mein meri qismat ka karishma dekhiye

rahzan-e-KHud mujh ko manzil ka nishan dene laga

mai-kade mein mere saqi ka karam to dekhna

jam ke badle mujhe be-tabiyan dene laga

main gada us ka hun ai 'bahzad' jo dast-e-karam

be-talab mujh ko mata’-e-do-jahan dene laga