barse hai chashm-e-saqi sun masti sharab ki

barse hai chashm-e-sāqī suuñ mastī sharāb kī

dāġh-e-jigar meñ paatā huuñ lazzat kabāb kī

raihān-e-dil meñ kyuuñ na ġhubār hove is sabab

qīmat shikasta kar diye ḳhat meñ kitāb kī

us chehre kī safā ko jo dekhā hai ḳhvāb meñ

parvā ab kahāñ rahī maḳhmal ko ḳhvāb kī

āshiq tamām shorish-e-ġhash hue dekh kar

shura zamīñ se hove numā.ish sarāb kī

laḳht-e-jigar hai soḳhta āñsūñ yañh kahāñ

bād-e-sabā suuñ phūTe hai chashmeñ habāb kī

barse hai chashm-e-saqi sun masti sharab ki

dagh-e-jigar mein pata hun lazzat kabab ki

raihan-e-dil mein kyun na ghubar howe is sabab

qimat shikasta kar diye KHat mein kitab ki

us chehre ki safa ko jo dekha hai KHwab mein

parwa ab kahan rahi maKHmal ko KHwab ki

aashiq tamam shorish-e-ghash hue dekh kar

shura zamin se howe numaish sarab ki

laKHt-e-jigar hai soKHta aansun yanh kahan

baad-e-saba sun phuTe hai chashmen habab ki