bas-ki hun dil-tang KHush aata hai sahra-e-qafas

bas-ki huuñ dil-tañg ḳhush aatā hai sahrā-e-qafas

bulbul-e-be-bāl-o-par rakhtī hai saudā-e-qafas

pālnā manzūr hai to dast-parvar kar use

tā.ir-e-vahshī mabādā dekh mar jaa.e qafas

dekh ke sayyād ko mahv-e-tamāshā ho ga.ī

bulbul-e-tasvīr se mat pūchh īzā-e-qafas

ham-duā ho ham-safīro tā-ijābat ho qarīñ

rahm khā kar baaġh meñ sayyād phir laa.e qafas

ham-safīr is baaġh ke sab qaid tere ho chuke

ishaq mujh ko bhī dikhā de tū tamāshā-e-qafas

gul kī ḳhātir qaid meñ rahtī hai varna bāġhbāñ

nāla-e-jāñ-soz se bulbul ke jal jaa.e qafas

tīliyāñ ginte hī ginte umr ke dam ho chuke

taḳht se uḌ kar na pahuñche ishaq bālā-e-qafas

bas-ki hun dil-tang KHush aata hai sahra-e-qafas

bulbul-e-be-baal-o-par rakhti hai sauda-e-qafas

palna manzur hai to dast-parwar kar use

tair-e-wahshi mabaada dekh mar jae qafas

dekh ke sayyaad ko mahw-e-tamasha ho gai

bulbul-e-taswir se mat puchh iza-e-qafas

ham-dua ho ham-safiro ta-ijabat ho qarin

rahm kha kar bagh mein sayyaad phir lae qafas

ham-safir is bagh ke sab qaid tere ho chuke

ishaq mujh ko bhi dikha de tu tamasha-e-qafas

gul ki KHatir qaid mein rahti hai warna baghban

nala-e-jaan-soz se bulbul ke jal jae qafas

tiliyan ginte hi ginte umr ke dam ho chuke

taKHt se uD kar na pahunche ishaq baala-e-qafas