koh-e-furqat ye nanhe dil hai

koh-e-furqat ye nanhe dil hai

aise jiine se maut behtar hai

ham haiñ dil hai vo yār-e-dilbar hai

dil-rubā.ī kā Dar muqarrar hai

kaun kahtā hai vo sitamgar hai

jān-e-'āshiq hai rūh-parvar hai

par vo uThtā hai yaar ke ruḳh se

is liye apnā haath dil par hai

kuchh pata us kā ab nahīñ miltā

dil kahāñ aur kahāñ vo dilbar hai

hai haqīq meñ musht-e-ḳhāk insān

hamd-e-īzid ki paak bartar hai

bulbulo dekho vo ḳhizāñ aa.ī

ab chaman kī bahār dam bhar hai

kyā kahūñ apne dil kī be-tābī

raat bhārī hai din bhī patthar hai

vo jo rūThe haiñ be-sabab mujh se

ye mirī kHūbī-e-muqaddar hai

marhabā kyā ġhazal likhī hai 'bashīr'

bazm meñ vaah har zabāñ par hai

koh-e-furqat ye nanhe dil hai

aise jine se maut behtar hai

hum hain dil hai wo yar-e-dilbar hai

dil-rubai ka Dar muqarrar hai

kaun kahta hai wo sitamgar hai

jaan-e-'ashiq hai ruh-parwar hai

par wo uThta hai yar ke ruKH se

is liye apna hath dil par hai

kuchh pata us ka ab nahin milta

dil kahan aur kahan wo dilbar hai

hai haqiq mein musht-e-KHak insan

hamd-e-izid ki pak bartar hai

bulbulo dekho wo KHizan aai

ab chaman ki bahaar dam bhar hai

kya kahun apne dil ki be-tabi

raat bhaari hai din bhi patthar hai

wo jo ruThe hain be-sabab mujh se

ye meri kHubi-e-muqaddar hai

marhaba kya ghazal likhi hai 'bashir'

bazm mein wah har zaban par hai