chala hun aaj ye saughat le kar unki mahfil mein

chalā huuñ aaj ye sauġhāt le kar un kī mahfil meñ

jalan siine meñ ashk āñkhoñ meñ ḳhūn-e-ārzū dil meñ

khichā aur khich ke ḳhanjar rah gayā phir dast-e-qātil meñ

diyā qismat ne dhokā dil kī hasrat rah ga.ī dil meñ

na nikleñge to kyā armāñ na nikleñge mere dil ke

to kyā ghuT-ghuT ke mar jā.egī merī aarzū dil meñ

dil-e-marhūm kā mātam karūñ yā ro.uuñ us din ko

tumhāre chāhne kī jab paḌī thī ibtidā dil meñ

tire milne kī hasrat hī nahīñ ik jaan kī dushman

qiyāmat Dhā rahī hai jo tamannā hai mere dil meñ

ḳhayāl-e-yār ke aate hī ye be-tābiyāñ kaisī

jo aanā thā use ban kar qarār aatā mire dil meñ

judā hone kī Thahrā.ī to maiñ marne kī Thānuñgā

mujhe ābād karnā hai to aa baiTho mire dil meñ

bhalā 'bedam' use phir jām-e-jam kī kyā zarūrat hai

jise sair-e-do-ālam ho rahī ho kāsa-e-dil meñ

chala hun aaj ye saughat le kar un ki mahfil mein

jalan sine mein ashk aankhon mein KHun-e-arzu dil mein

khicha aur khich ke KHanjar rah gaya phir dast-e-qatil mein

diya qismat ne dhoka dil ki hasrat rah gai dil mein

na niklenge to kya arman na niklenge mere dil ke

to kya ghuT-ghuT ke mar jaegi meri aarzu dil mein

dil-e-marhum ka matam karun ya roun us din ko

tumhaare chahne ki jab paDi thi ibtida dil mein

tere milne ki hasrat hi nahin ek jaan ki dushman

qiyamat Dha rahi hai jo tamanna hai mere dil mein

KHayal-e-yar ke aate hi ye be-tabiyan kaisi

jo aana tha use ban kar qarar aata mere dil mein

juda hone ki Thahrai to main marne ki Thanunga

mujhe aabaad karna hai to aa baiTho mere dil mein

bhala 'bedam' use phir jam-e-jam ki kya zarurat hai

jise sair-e-do-alam ho rahi ho kasa-e-dil mein