ye KHusrawi-o-shaukat-e-shahana mubarak
ye ḳhusravī-o-shaukat-e-shāhāna mubārak
ye qasr ye ḳhuddām ye kāshāna mubārak
mastoñ ko mubārak dar-e-mai-ḳhāna ke sajde
mai-ḳhāna tujhe murshid-e-mai-ḳhāna mubārak
ai chashm-e-tamannā tirī ummīd bar aa.e
uThtā hai naqāb-e-ruḳh-e-jānāna mubārak
bulbul ko mubārak ho havā-e-gul-o-gulshan
parvāne ko soz-e-dil-e-parvāna mubārak
lo uTh ga.e sab jalva-gāh-e-nāz ke parde
nazzāra-e-husn-e-ruḳh-e-jānāna mubārak
'sarmad' ko mubārak hoñ mai-e-sāf ke sāġhar
'bedam' hameñ durd-e-tah-e-paimāna mubārak
ye KHusrawi-o-shaukat-e-shahana mubarak
ye qasr ye KHuddam ye kashana mubarak
maston ko mubarak dar-e-mai-KHana ke sajde
mai-KHana tujhe murshid-e-mai-KHana mubarak
ai chashm-e-tamanna teri ummid bar aae
uThta hai naqab-e-ruKH-e-jaanana mubarak
bulbul ko mubarak ho hawa-e-gul-o-gulshan
parwane ko soz-e-dil-e-parwana mubarak
lo uTh gae sab jalwa-gah-e-naz ke parde
nazzara-e-husn-e-ruKH-e-jaanana mubarak
'sarmad' ko mubarak hon mai-e-saf ke saghar
'bedam' hamein durd-e-tah-e-paimana mubarak
- Book : Nurul-Ain: Mosahhaf-e-Bedam (Pg. 112)
- Author : Bedam Shah Warsi
- Publication : Shaikh Ata Mohammad, Lahore (1935)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
