buton par mar miTe dhoka diya sari KHudai ko

butoñ par mar miTe dhoka diyā saarī ḳhudā.ī ko

janāb-e-shaiḳh ham samjhe tumhārī pārsā.ī ko

zamāna phir gayā phir jaa.e par tū to hamārā ho

terī ḳhātir se ai but hamne chhoḌā hai ḳhudā.ī ko

merī mushkil meñ aaḌe aa.iye āsān kar dījiye

zarā maiñ bhī to dekhūñ aap kī mushkil-kushā.ī ko

ḳhudā ne dil diyā thā sadqe karne ko hasīnoñ par

jabīñ paidā huī thī un ke dar par jab.ha-sā.ī ko

bajā-e-tāj zill-e-vārsī sar par hai ai 'bedam'

shahanshāhī samajhtā huuñ maiñ us dar kī gadā.ī ko

buton par mar miTe dhoka diya sari KHudai ko

janab-e-shaiKH hum samjhe tumhaari parsai ko

zamana phir gaya phir jae par tu to hamara ho

teri KHatir se ai but hamne chhoDa hai KHudai ko

meri mushkil mein aaDe aaiye aasan kar dijiye

zara main bhi to dekhun aap ki mushkil-kushai ko

KHuda ne dil diya tha sadqe karne ko hasinon par

jabin paida hui thi un ke dar par jabha-sai ko

baja-e-taj zill-e-warsi sar par hai ai 'bedam'

shahanshahi samajhta hun main us dar ki gadai ko