chāñd sā chehra nur kī chitwan māshā-allāh māshā-allāh

chāñd sā chehra nuur kī chitvan māshā-allāh māshā-allāh

turfa nikālā aap ne joban māshā-allāh māshā-allāh

gul ruḳh-e-nāzuk zulf hai sumbul aañkh hai nargis seb-e-zanaḳhdāñ

husn se tum ho ġhairat-e-gulshan māshā-allāh māshā-allāh

sāqī-e-bazm-e-roz-e-azal ne bāda-e-husn bharā hai is meñ

āñkheñ haiñ sāġhar shīsha hai gardan māshā-allāh māshā-allāh

qahr ġhazab zāhir kī rukāvaT āfat-e-jāñ dar-parda lagāvaT

chaah kī tevar pyaar kī chitvan māshā-allāh māshā-allāh

ġhamza uchakkā ishva hai Daaku qahr adā.eñ sehr haiñ bāteñ

chor nigāheñ naaz hai rahzan māshā-allāh māshā-allāh

nuur kā tan hai nuur ke kapḌe us par kyā zevar kī chamak hai

chhalle kañgan ikke joshan māshā-allāh māshā-allāh

jam.a kiyā ziddain ko tum ne saḳhtī aisī narmī aisī

mom badan hai dil hai aahan māshā-allāh māshā-allāh

vaah 'amīr' aisā ho kahnā sher haiñ yā ma.ashūq kā gahna

saaf hai bandish mazmūñ raushan māshā-allāh māshā-allāh

chāñd sā chehra nur kī chitwan māshā-allāh māshā-allāh

turfa nikālā aap ne joban māshā-allāh māshā-allāh

gul ruḳh-e-nāzuk zulf hai sumbul aañkh hai nargis seb-e-zanaḳhdāñ

husn se tum ho ġhairat-e-gulshan māshā-allāh māshā-allāh

sāqī-e-bazm-e-roz-e-azal ne bāda-e-husn bharā hai is meñ

āñkheñ haiñ sāġhar shīsha hai gardan māshā-allāh māshā-allāh

qahr ġhazab zāhir kī rukāwaT āfat-e-jāñ dar-parda lagāwaT

chah kī tewar pyar kī chitwan māshā-allāh māshā-allāh

ġhamza uchakkā ishwa hai Daku qahr adāeñ sehr haiñ bāteñ

chor nigāheñ naz hai rahzan māshā-allāh māshā-allāh

nur kā tan hai nur ke kapḌe us par kyā zewar kī chamak hai

chhalle kañgan ikke joshan māshā-allāh māshā-allāh

jama kiyā ziddain ko tum ne saḳhtī aisī narmī aisī

mom badan hai dil hai aahan māshā-allāh māshā-allāh

wah 'amīr' aisā ho kahnā sher haiñ yā mashūq kā gahna

saf hai bandish mazmūñ raushan māshā-allāh māshā-allāh