dard-e-pa hoga shikast-e-kasa-e-sar ka jawab

dard-e-pā hogā shikast-e-kāsa-e-sar kā javāb

ġhāfiloñ ko degī merī laash Thokar kā javāb

shauq se likkheñ mire isyāñ farishte rāt-din

ek rahmat us kī hai is saare daftar kā javāb

ek din vo mere ghar hai ek din vo us ke ghar

ġhair kī qismat bhī hai mere muqaddar kā javāb

jab maiñ kahtā huuñ kahoge kyā ḳhudā ke sāmne

kahte haiñ tum ko batā deñ roz-e-mahshar kā javāb

narm-dil se narm-dil haiñ saḳht-go se saḳht-go

shīshe kā shīsha yahāñ patthar hai patthar kā javāb

us ne ḳhat bhejā jo mujh ko Daak par Daaka paḌā

yaar kyā kartā na thā mere muqaddar kā javāb

muñh chiḌhāo aur kā tevrī chaḌhāo aur par

ā.īna huuñ muñh pe dūñgā maiñ barābar kā javāb

pheñk do ḳhat likh ke qāsid se jo tum bezār ho

uḌ ke aa.egā jo hai mere muqaddar kā javāb

muñh kī khaa.ī saikḌoñ baal aa.ina meñ paḌ ga.e

le ke aayā thā tirī zulf-e-mo.ambar jo javāb

dard-e-pa hoga shikast-e-kasa-e-sar ka jawab

ghafilon ko degi meri lash Thokar ka jawab

shauq se likkhen mere isyan farishte raat-din

ek rahmat us ki hai is sare daftar ka jawab

ek din wo mere ghar hai ek din wo us ke ghar

ghair ki qismat bhi hai mere muqaddar ka jawab

jab main kahta hun kahoge kya KHuda ke samne

kahte hain tum ko bata den roz-e-mahshar ka jawab

narm-dil se narm-dil hain saKHt-go se saKHt-go

shishe ka shisha yahan patthar hai patthar ka jawab

us ne KHat bheja jo mujh ko Dak par Daka paDa

yar kya karta na tha mere muqaddar ka jawab

munh chiDhao aur ka tewri chaDhao aur par

aaina hun munh pe dunga main barabar ka jawab

phenk do KHat likh ke qasid se jo tum bezar ho

uD ke aaega jo hai mere muqaddar ka jawab

munh ki khai saikDon baal aaina mein paD gae

le ke aaya tha teri zulf-e-moambar jo jawab