ek dam mein koh surma kare hai sharar-e-dard

ek dam meñ koh surma kare hai sharār-e-dard

ye jism-e-zār kyuuñ na ho jal kar ġhubār-e-dard

chashmoñ suuñ dekh phūle gul-e-shāḳhsār-e-dard

ashk-e-rañgīñ suuñ kiyā hai bahār-e-dard

aa dekh to safā-e-mohabbat ko mere shaiḳh

chhānā hai apne parda-e-dil suuñ ġhubār-e-dard

jaisā ki dard-e-charḳh meñ rahtā huuñ be-qarār

mijmar meñ kab sipand rahe be-qarār-e-dard

kyuuñ aa ke jāñ-gusil na ho āh-o-fuġhāñ mirī

jaama hova hai chañg sifat tār-tār dard

ek dam mein koh surma kare hai sharar-e-dard

ye jism-e-zar kyun na ho jal kar ghubar-e-dard

chashmon sun dekh phule gul-e-shaKHsar-e-dard

ashk-e-rangin sun kiya hai bahaar-e-dard

aa dekh to safa-e-mohabbat ko mere shaiKH

chhana hai apne parda-e-dil sun ghubar-e-dard

jaisa ki dard-e-charKH mein rahta hun be-qarar

mijmar mein kab sipand rahe be-qarar-e-dard

kyun aa ke jaan-gusil na ho aah-o-fughan meri

jama howa hai chang sifat tar-tar dard