ek hi tarah pe har shaKHs ki qismat na hui

ek hī tarah pe har shaḳhs kī qismat na huī

sab ke hisse kī tire ġham kī masarrat na huī

vo mohabbat tirī jis par mirā sab kuchh bhī nisār

vo mirā dil hai ke jis kī koī qīmat na huī

aisā begāna ġham-e-lazzat ġham kyā jaane

jis ko tā-umr kisī se bhī mohabbat na huī

haaye kam-baḳht nasība tire mahjūroñ kā

ii.d ke din bhī unheñ koī masarrat na huī

vaqt par dāġh-e-mohabbat hī mere kaam aayā

mujh se pursis kī nakīrain ko jur.at na huī

aap ke parde ne jab aap kī sūrat le lī

yuuñ bhī kyā faash pas-e-parda haqīqat na huī

dekhnā shokHī-e-tohmat ki vo farmāte haiñ

kyā ḳhamoshī bhī tirī husn-e-shikāyat na huī

kal kā ġham kyuuñ ho ki hoñ aap kā pāmāl-e-ḳhirām

kyā mere sāmne sau baar qiyāmat na huī

be-kasī tere sivā kis ne mirā saath diyā

koī Dhāras bhī sharīk-e-ġham-e-ġhurbat na huī

aa gayā kaam kisī vaqt kā marnā 'kāmil'

mujh tak aane kī mirī maut ko zahmat na huī

ek hi tarah pe har shaKHs ki qismat na hui

sab ke hisse ki tere gham ki masarrat na hui

wo mohabbat teri jis par mera sab kuchh bhi nisar

wo mera dil hai ke jis ki koi qimat na hui

aisa begana gham-e-lazzat gham kya jaane

jis ko ta-umr kisi se bhi mohabbat na hui

haye kam-baKHt nasiba tere mahjuron ka

id ke din bhi unhen koi masarrat na hui

waqt par dagh-e-mohabbat hi mere kaam aaya

mujh se pursis ki nakirain ko jurat na hui

aap ke parde ne jab aap ki surat le li

yun bhi kya fash pas-e-parda haqiqat na hui

dekhna shokHi-e-tohmat ki wo farmate haiñ

kya KHamoshi bhi teri husn-e-shikayat na hui

kal ka gham kyun ho ki hon aap ka pamal-e-KHiram

kya mere samne sau bar qiyamat na hui

be-kasi tere siwa kis ne mera sath diya

koi Dhaaras bhi sharik-e-gham-e-ghurbat na hui

aa gaya kaam kisi waqt ka marna 'kaamil'

mujh tak aane ki meri maut ko zahmat na hui