jis pe mere sanam ki nazar ho ke rah gai

jis pe mire sanam kī nazar ho ke rah ga.ī

duniyā hī us kī zer-o-zabar ho ke rah ga.ī

dair-o-haram kī raah batāo na ab mujhe

mirī jabīñ to yaar kā dar ho ke rah ga.ī

kaisī kaTī ye raat kisī ko ḳhabar nahīñ

zikr-e-sanam meñ aaj sahr ho ke rah ga.ī

bismil koī huā koī dīvāna ho gayā

un kī nigāh-e-nāz jidhar ho ke rah ga.ī

josh-e-junūñ meñ aatā rahā yaar kā ḳhayāl

dīvāngī meñ raat basar ho ke rah ga.ī

mujh ko ḳhayāl-e-yār ne pahuñchā diyā kahāñ

har chiiz merī gard safar ho ke rah ga.ī

royā jo un kī yaad meñ dil thaam kar 'fanā'

aañsū kī būñd-būñd guhar ho ke rah ga.ī

jis pe mere sanam ki nazar ho ke rah gai

duniya hi us ki zer-o-zabar ho ke rah gai

dair-o-haram ki rah batao na ab mujhe

meri jabin to yar ka dar ho ke rah gai

kaisi kaTi ye raat kisi ko KHabar nahin

zikr-e-sanam mein aaj sahr ho ke rah gai

bismil koi hua koi diwana ho gaya

un ki nigah-e-naz jidhar ho ke rah gai

josh-e-junun mein aata raha yar ka KHayal

diwangi mein raat basar ho ke rah gai

mujh ko KHayal-e-yar ne pahuncha diya kahan

har chiz meri gard safar ho ke rah gai

roya jo un ki yaad mein dil tham kar 'fana'

aansu ki bund-bund guhar ho ke rah gai