yarab meri hayat se gham ka asar na jae

yārab mirī hayāt se ġham kā asar na jaa.e

jab tak kisī kī zulf-e-pareshāñ sañvar na jaa.e

maiñ un ke sāmne se guzartā huuñ is liye

tark-e-ta.alluqāt kā ehsās mar na jaa.e

mire junūn ko zulf ke saaya se duur rakh

rasta meñ chhāoñ pā ke musāfir Thahar na jaa.e

yarab meri hayat se gham ka asar na jae

jab tak kisi ki zulf-e-pareshan sanwar na jae

main un ke samne se guzarta hun is liye

tark-e-talluqat ka ehsas mar na jae

mere junun ko zulf ke saya se dur rakh

rasta mein chhaon pa ke musafir Thahar na jae