fughan ke sath lab tak dam-ba-dam aane se kya hasil

fuġhāñ ke saath lab tak dam-ba-dam aane se kyā hāsil

dil-e-muztar ko samjhā do ki ghabrāne se kyā hāsil

jo peshānī kā likhā hai vo pesh aanā zarūrī hai

to phir taqdīr kī bātoñ pe ġham khāne se kyā hāsil

nasīhat ham se dīvāne kahīñ sun kar sambhalte haiñ

koī nāseh ko samjhā de ki samjhāne se kyā hāsil

jo marnā hai to ham bhī mar miTeñge kū-e-jānāñ meñ

kisī jañgal meñ jā ke sar ko Takrāne se kyā hāsil

hamārī jāñ-nisārī bhī kisī din aazmā dekho

ye qisse lailā-o-majnūñ ke paḌhvāne se kyā hāsil

nigāh-e-mast saaqī se hai bazm-e-mai kī kaifiyat

hameñ phir sāġhar-o-mīnā-o-mai-kHāne se kyā hāsil

fughan ke sath lab tak dam-ba-dam aane se kya hasil

dil-e-muztar ko samjha do ki ghabrane se kya hasil

jo peshani ka likha hai wo pesh aana zaruri hai

to phir taqdir ki baaton pe gham khane se kya hasil

nasihat hum se diwane kahin sun kar sambhalte hain

koi naseh ko samjha de ki samjhane se kya hasil

jo marna hai to hum bhi mar miTenge ku-e-jaanan mein

kisi jangal mein ja ke sar ko Takrane se kya hasil

hamari jaan-nisari bhi kisi din aazma dekho

ye qisse laila-o-majnun ke paDhwane se kya hasil

nigah-e-mast saqi se hai bazm-e-mai ki kaifiyat

hamein phir saghar-o-mina-o-mai-kHane se kya hasil