gar ek raat guzar yañ wo rashk-e-māh kare

gar ek raat guzar yaañ vo rashk-e-māh kare

ajab nahīñ ki gadā par karam jo shaah kare

dikhāve aa.ina kis muñh se us ko muñh apnā

ki āftāb ko juuñ sham-e-sub.h-gāh kare

muqābil aate hī yuuñ khīñch le hai dil vo shoḳh

ki jaise kāh-rubā jazb barg kaah kare

havās-o-hosh ko chhoḌ aap dil gayā us paas

jab ahl-e-fauj hī mil jaa.eñ kyā sipāh kare

sitam-shi.ār vafā-dushman āshnā-bezār

kaho to aise se kyūñkar koī nibāh kare

ka.ī taḌapte haiñ āshiq ka.ī sisakte haiñ

is aarzū meñ ki vo sañg-dil nigāh kare

mohabbat aise kī 'bedār' saḳht mushkil hai

jo apnī jaan se guzre vo us kī chaah kare

gar ek raat guzar yañ wo rashk-e-māh kare

ajab nahīñ ki gadā par karam jo shah kare

dikhāwe aaina kis muñh se us ko muñh apnā

ki āftāb ko juñ sham-e-subh-gāh kare

muqābil aate hī yuñ khīñch le hai dil wo shoḳh

ki jaise kāh-rubā jazb barg kah kare

hawās-o-hosh ko chhoḌ aap dil gayā us pas

jab ahl-e-fauj hī mil jaeñ kyā sipāh kare

sitam-shiār wafā-dushman āshnā-bezār

kaho to aise se kyūñkar koī nibāh kare

kaī taḌapte haiñ āshiq kaī sisakte haiñ

is aarzū meñ ki wo sañg-dil nigāh kare

mohabbat aise kī 'bedār' saḳht mushkil hai

jo apnī jaan se guzre wo us kī chah kare