gar isī tarah saj banāiyegā

gar isī tarah saj banā.iyegā

mahshar ābād kar dikhā.iyegā

umr va.adoñ hī meñ gañvā.iyegā

ā.iyegā bhī yā na ā.iyegā

mehrbāñ qadar jāniye merī

mujh sā muḳhlis kahīñ na pā.iyegā

yahī qāmat hai gar yahī raftār

hashr barpā hī kar dikhā.iyegā

yahī ronā agar hai ai añkhiyoñ

ḳhān-e-mardumāñ Dubā.iyegā

māh-rūyāñ kahāñ talak ham ko

ātish-e-hijr meñ jalā.iyegā

zabt-e-girya na hovegā juuñ sham.a

soz-e-dil gar tumheñ sunā.iyegā

husn jaatā hai ḳhat kī aamad hai

haañ hameñ kyuuñ na ab manā.iyegā

muġhtanim jaano ham se muḳhlis ko

DhūñDiyegā to phir na pā.iyegā

ye na hogā ki yaañ se uTh jāveñ

aisī sau bāteñ gar sunā.iyegā

ek do kyā hazār se bhī ham

nahīñ Darte agar bulā.iyegā

aaj jo ho so ho yahī hai azm

tum ko har tarah le ke jā.iyegā

jis ne 'bedār' dil liyā merā

ek din tujh ko bhī dikhā.iyegā

gar isī tarah saj banāiyegā

mahshar ābād kar dikhāiyegā

umr wadoñ hī meñ gañwāiyegā

āiyegā bhī yā na āiyegā

mehrbāñ qadar jāniye merī

mujh sā muḳhlis kahīñ na pāiyegā

yahī qāmat hai gar yahī raftār

hashr barpā hī kar dikhāiyegā

yahī ronā agar hai ai añkhiyoñ

ḳhān-e-mardumāñ Dubāiyegā

māh-rūyāñ kahāñ talak hum ko

ātish-e-hijr meñ jalāiyegā

zabt-e-girya na howegā juñ shama

soz-e-dil gar tumheñ sunāiyegā

husn jatā hai ḳhat kī aamad hai

hañ hameñ kyuñ na ab manāiyegā

muġhtanim jaano hum se muḳhlis ko

DhūñDiyegā to phir na pāiyegā

ye na hogā ki yañ se uTh jāweñ

aisī sau bāteñ gar sunāiyegā

ek do kyā hazār se bhī hum

nahīñ Darte agar bulāiyegā

aaj jo ho so ho yahī hai azm

tum ko har tarah le ke jāiyegā

jis ne 'bedār' dil liyā merā

ek din tujh ko bhī dikhāiyegā