maujud ki talash mein hum ho gae adam

maujūd kī talāsh meñ ham ho ga.e 'adam

apnā hī 'ilm jahl se pahuñchā kahāñ talak

jo bad-gumāñ huuñ maiñ vo nahīñ mujh se bad-gumāñ

maiñ bad-gumāñ huuñ apne bhī vahm-o-gumāñ talak

apnā ḳhayāl bhī nahīñ aatā hameñ kabhī

terā ḳhayāl-e-yār rahe hai yahāñ talak

kis tarh apnī jaan kahūñ us ko hamdamo

jis par se maiñ nisār karūñ apnī jaañ talak

'ġhamgīñ' vo nūr-e-nā-mutanāhī hai dhyān rakh

jo nuur hai zamīñ se lagā āsmāñ talak

maujud ki talash mein hum ho gae 'adam

apna hi 'ilm jahl se pahuncha kahan talak

jo bad-guman hun main wo nahin mujh se bad-guman

main bad-guman hun apne bhi wahm-o-guman talak

apna KHayal bhi nahin aata hamein kabhi

tera KHayal-e-yar rahe hai yahan talak

kis tarh apni jaan kahun us ko hamdamo

jis par se main nisar karun apni jaan talak

'ghamgin' wo nur-e-na-mutanahi hai dhyan rakh

jo nur hai zamin se laga aasman talak