kohkan na koh mein na qais tha ban mein sharik

kohkan na koh meñ na qais thā ban meñ sharīk

ho sakā koī na merā 'ishq ke fan meñ sharīk

kar diyā patthar ko mom aahan ko aab ik aan meñ

hai asar nāloñ kā mere sañg-o-āhan meñ sharīk

raushnī pakḌe charāġh-kHāna-e-mā'shūq kab

ḳhūn-e-'āshiq jab talak hue na roġhan meñ sharīk

kufr-o-dīñ ko ek hī samjho haqīqat meñ ki hai

rishta-e-tasbīh zunnār-e-barahman meñ sharīk

dost hī tanhā na mātam-dār 'rāsiḳh' ke hue

ho ga.e dushman bhī aakar us ke shevan meñ sharīk

kohkan na koh mein na qais tha ban mein sharik

ho saka koi na mera 'ishq ke fan mein sharik

kar diya patthar ko mom aahan ko aab ek aan mein

hai asar nalon ka mere sang-o-ahan mein sharik

raushni pakDe charagh-kHana-e-ma'shuq kab

KHun-e-'ashiq jab talak hue na roghan mein sharik

kufr-o-din ko ek hi samjho haqiqat mein ki hai

rishta-e-tasbih zunnar-e-barahman mein sharik

dost hi tanha na matam-dar 'rasiKH' ke hue

ho gae dushman bhi aakar us ke shewan mein sharik