hañ wahī ishq-o-mohabbat kī jilā hotī hai
haañ vahī ishq-o-mohabbat kī jilā hotī hai
jo ibādat dar-e-jānāñ pe adā hotī hai
jo giraftār-e-mohabbat haiñ ye un se pūchho
naaz kyā chiiz hai kyā chiiz adā hotī hai
un kī nazroñ kī haqīqat ko koī kyā jaane
un kī nazroñ meñ har ik ġham kī davā hotī hai
kyuuñ na chehre pe malūñ ḳhāk-e-dar-e-yār ko maiñ
yahī vo ḳhaak hai jo ḳhāk-e-shifā hotī hai
rā.egāñ sajde bhī ho jaate haiñ maqbūl-e-karam
shāmil-e-hāl agar un kī razā hotī hai
jaane kyā chiiz chhupī hai tire jalvoñ meñ sanam
saarī duniyā tere jalvoñ pe fidā hotī hai
maiñ bhī huuñ ek ināyat kī nazar kā tālib
tere kūche meñ marīzoñ ko shifā hotī hai
un ke maiḳhāne ko chhū aatī hai jab fasl-e-bahār
phuul khil jaate haiñ mastī meñ havā hotī hai
ai 'fanā' miltā hai āshiq ko baqā kā paiġhām
zindagī jab rah-e-ulfat meñ fanā hotī hai
hañ wahī ishq-o-mohabbat kī jilā hotī hai
jo ibādat dar-e-jānāñ pe adā hotī hai
jo giraftār-e-mohabbat haiñ ye un se pūchho
naz kyā chiz hai kyā chiz adā hotī hai
un kī nazroñ kī haqīqat ko koī kyā jaane
un kī nazroñ meñ har ek ġham kī dawā hotī hai
kyuñ na chehre pe malūñ ḳhāk-e-dar-e-yār ko maiñ
yahī wo ḳhak hai jo ḳhāk-e-shifā hotī hai
rāegāñ sajde bhī ho jate haiñ maqbūl-e-karam
shāmil-e-hāl agar un kī razā hotī hai
jaane kyā chiz chhupī hai tere jalwoñ meñ sanam
sarī duniyā tere jalwoñ pe fidā hotī hai
maiñ bhī huñ ek ināyat kī nazar kā tālib
tere kūche meñ marīzoñ ko shifā hotī hai
un ke maiḳhāne ko chhū aatī hai jab fasl-e-bahār
phul khil jate haiñ mastī meñ hawā hotī hai
ai 'fanā' miltā hai āshiq ko baqā kā paiġhām
zindagī jab rah-e-ulfat meñ fanā hotī hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.