ġham-e-duniyā ġham-e-hastī ġham-e-ulfat ġham-e-dil
ġham-e-duniyā ġham-e-hastī ġham-e-ulfat ġham-e-dil
kitne unvān mile haiñ mire afsāne ko
phir se aa jā.egī dekho tan-e-be-jān meñ jaan
aap āvāz to diije zarā dīvāne ko
be-ḳhudī meñ bhī tirā naam liye jaate haiñ
rog ye kaisā lagā hai tire mastāne ko
tujh se bas itnī talab hai tire dīvāne kī
apne jalvoñ se sajā de mire ġham-ḳhāne ko
sho.ala-e-dard-e-mohabbat koī bhaḌkā.e to
ham to tayyār haiñ is aag meñ jal jaane ko
gar mirā zauq-e-jabīñ-sā.ī salāmat hai 'fanā'
ka.aba ik rose banā dūñgā sanam-ḳhāne ko
ġham-e-duniyā ġham-e-hastī ġham-e-ulfat ġham-e-dil
kitne unwān mile haiñ mere afsāne ko
phir se aa jāegī dekho tan-e-be-jān meñ jaan
aap āwāz to dije zarā dīwāne ko
be-ḳhudī meñ bhī tirā nam liye jate haiñ
rog ye kaisā lagā hai tere mastāne ko
tujh se bas itnī talab hai tere dīwāne kī
apne jalwoñ se sajā de mere ġham-ḳhāne ko
shoala-e-dard-e-mohabbat koī bhaḌkāe to
hum to tayyār haiñ is aag meñ jal jaane ko
gar mirā zauq-e-jabīñ-sāī salāmat hai 'fanā'
kaba ek rose banā dūñgā sanam-ḳhāne ko
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
