humse sab kahte hain tum is se mile to kya hue

ham se sab kahte haiñ tum is se mile to kyā hue

ham ye kahte haiñ duī jaatī rahī yaktā hue

Thiik zad par tuur thā ye to uchaTtī choT thī

aur phir us par bhī be-ḳhud hazrat-e-mūsā hue

qatre jab dariyā meñ girte haiñ to hotā hai ye shor

dekhne vaale hameñ dekheñ ki ham dariyā hue

nadī naale haiñ ye sab jab tak na dariyā se mileñ

jab ye dariyā se mile jā kar to sab dariyā hue

hazrat-e-majnūñ tumhāre ishq ko merā salām

kūcha-e-lailā se nikle sākin sahrā hue

qabr meñ bhī 'akbar' us ko saath ham le jā.eñge

ulfat-e-haq saath thī jis vaqt ham paidā hue

hum se sab kahte hain tum is se mile to kya hue

hum ye kahte hain dui jati rahi yakta hue

Thik zad par tur tha ye to uchaTti choT thi

aur phir us par bhi be-KHud hazrat-e-musa hue

qatre jab dariya mein girte hain to hota hai ye shor

dekhne wale hamein dekhen ki hum dariya hue

nadi nale hain ye sab jab tak na dariya se milen

jab ye dariya se mile ja kar to sab dariya hue

hazrat-e-majnun tumhaare ishq ko mera salam

kucha-e-laila se nikle sakin sahra hue

qabr mein bhi 'akbar' us ko sath hum le jaenge

ulfat-e-haq sath thi jis waqt hum paida hue