hum tirī ḳhātir-e-nāzuk se ḳhatar karte haiñ

ham tirī ḳhātir-e-nāzuk se ḳhatar karte haiñ

varna naale to ye patthar meñ asar karte haiñ

dil o diiñ thā so liyā aur bhī kuchh matlab hai

baar baar aap jo īdhar ko nazar karte haiñ

fā.eda kyā hai agar sharq se tā-ġharb phire

rāh-rau ve haiñ jo hastī se safar karte haiñ

ham to har shakl meñ yaañ ā.ina-ḳhāne kī misāl

aap hī aate haiñ nazar sair jidhar karte haiñ

kyā ho gar koī ghaḌī yaañ bhī karam farmāo

aap is raah se āḳhir to guzar karte haiñ

tere ayyām-e-firāq ai sanam-e-mehr-ġhusil

aah mat pūchh ki kis tarah basar karte haiñ

din ko phirte haiñ tujhe DhūñDne aur raat tamām

sham.a kī tarah se ro ro ke sahar karte haiñ

bas nahīñ ḳhuub ki aise ko dil apnā diije

aage tū jaan miyāñ ham to ḳhabar karte haiñ

ye vahī fitna-e-āshob-e-jahāñ hai 'bedār'

dekh kar piir o javāñ jis ko hazar karte haiñ

hum tirī ḳhātir-e-nāzuk se ḳhatar karte haiñ

warna nale to ye patthar meñ asar karte haiñ

dil o diñ thā so liyā aur bhī kuchh matlab hai

bar bar aap jo īdhar ko nazar karte haiñ

fāeda kyā hai agar sharq se tā-ġharb phire

rāh-rau we haiñ jo hastī se safar karte haiñ

hum to har shakl meñ yañ āina-ḳhāne kī misāl

aap hī aate haiñ nazar sair jidhar karte haiñ

kyā ho gar koī ghaḌī yañ bhī karam farmāo

aap is rah se āḳhir to guzar karte haiñ

tere ayyām-e-firāq ai sanam-e-mehr-ġhusil

aah mat pūchh ki kis tarah basar karte haiñ

din ko phirte haiñ tujhe DhūñDne aur raat tamām

shama kī tarah se ro ro ke sahar karte haiñ

bas nahīñ ḳhub ki aise ko dil apnā dije

aage tū jaan miyāñ hum to ḳhabar karte haiñ

ye wahī fitna-e-āshob-e-jahāñ hai 'bedār'

dekh kar pir o jawāñ jis ko hazar karte haiñ