hansi bhi gharq-e-fughan hai fughan ko kya kahiye

hañsī bhī ġharq-e-fuġhāñ hai fuġhāñ ko kyā kahiye

bahār bhī to ḳhizāñ hai ḳhizāñ ko kyā kahiye

fazā.e dahr ko apne ḳhilāf paatā huuñ

karishma-e-nigh-e-bad-gumāñ ko kyā kahiye

hamāre dil ko bhī hasrat thī muskurāne kī

navāzishāt-e-ġham-e-be-karāñ ko kyā kahiye

najāt de na sake dil ko jo ummīdoñ se

to aise hādisā-e-nā-gihāñ ko kyā kahiye

girāñ-bahā hai musībat kā ek-ek nafas

magar bisāt-e-dil-e-nā-tavāñ ko kyā kahiye

shikasta-pā.ī kā sāthī jo kārvāñ na huā

to ab ġhubār-e-pas-e-kārvāñ ko kyā kahiye

hamārī zaat se ifshā-e-rāz kā imkāñ

magar navāzish-e-ahl-e-jahāñ ko kyā kahiye

'niyāz'-e-dil hī nazar aa.e jab harīf-e-ḳhushī

to us ke baa'd ġham-e-be-amāñ ko kyā kahiye

hansi bhi gharq-e-fughan hai fughan ko kya kahiye

bahaar bhi to KHizan hai KHizan ko kya kahiye

fazae dahr ko apne KHilaf pata hun

karishma-e-nigh-e-bad-guman ko kya kahiye

hamare dil ko bhi hasrat thi muskurane ki

nawazishat-e-gham-e-be-karan ko kya kahiye

najat de na sake dil ko jo ummidon se

to aise hadisa-e-na-gihan ko kya kahiye

giran-baha hai musibat ka ek-ek nafas

magar bisat-e-dil-e-na-tawan ko kya kahiye

shikasta-pai ka sathi jo karwan na hua

to ab ghubar-e-pas-e-karwan ko kya kahiye

hamari zat se ifsha-e-raaz ka imkan

magar nawazish-e-ahl-e-jahan ko kya kahiye

'niyaz'-e-dil hi nazar aae jab harif-e-KHushi

to us ke ba'd gham-e-be-aman ko kya kahiye