har chiz mein aks-e-ruKH-e-zeba nazar aaya

har chiiz meñ 'aks-e-ruḳh-e-zebā nazar aayā

'ālam mujhe sab jalva hī jalva nazar aayā

tū kab kisī tālib ko sarāpā nazar aayā

dekhā tujhe itnā jise jitnā nazar aayā

kiiñ band jab āñkheñ to mirī khul ga.iiñ āñkheñ

kyā tum se kahūñ phir mujhe kyā kyā nazar aayā

jab mohr numāyāñ huā sab chhup ga.e taare

tū mujh ko bharī bazm meñ tanhā nazar aayā

gardūñ ko bhī ab dekh ke hotī hai tasallī

ġhurbat meñ yahī ek shanāsā nazar aayā

sab daulat-e-kaunain jo dī 'ishq ke badle

is bhaav ye saudā mujhe sastā nazar aayā

nākām hī tā-’umr rahā tālib-e-dīdār

har jalva tarah ba.ad ko pardā nazar aayā

jo duur nigāhoñ se sar-e-’arsh-e-barīñ hai

vo nuur sar-e-gumbad-e-kHazrā nazar aayā

'majzūb' kabhī soz kabhī saaz hai tujh meñ

tū 'mīr' kabhī aur kabhī 'saudā' nazar aayā

'majzūb' ke jazbe kī jo samjhe na haqīqat

un 'aql ke andhoñ ko ye 'saudā' nazar aayā

har chiz mein 'aks-e-ruKH-e-zeba nazar aaya

'alam mujhe sab jalwa hi jalwa nazar aaya

tu kab kisi talib ko sarapa nazar aaya

dekha tujhe itna jise jitna nazar aaya

kin band jab aankhen to meri khul gain aankhen

kya tum se kahun phir mujhe kya kya nazar aaya

jab mohr numayan hua sab chhup gae tare

tu mujh ko bhari bazm mein tanha nazar aaya

gardun ko bhi ab dekh ke hoti hai tasalli

ghurbat mein yahi ek shanasa nazar aaya

sab daulat-e-kaunain jo di 'ishq ke badle

is bhaw ye sauda mujhe sasta nazar aaya

nakaam hi ta-’umr raha talib-e-didar

har jalwa tarah baad ko parda nazar aaya

jo dur nigahon se sar-e-’arsh-e-barin hai

wo nur sar-e-gumbad-e-kHazra nazar aaya

'majzub' kabhi soz kabhi saz hai tujh mein

tu 'mir' kabhi aur kabhi 'sauda' nazar aaya

'majzub' ke jazbe ki jo samjhe na haqiqat

un 'aql ke andhon ko ye 'sauda' nazar aaya