har samt mein hai tu jalwa-numa ai nur-e-mohammad sallallah

har samt meñ hai tū jalva-numā ai nūr-e-mohammad sallallāh

āfāq ko tū ne gher liyā ai nūr-e-mohammad sallallāh

dikhlā ke chamak bālā-e-falak aadam ko kiyā masjūd-e-malak

muusā ko banāyā innī-anā ai nūr-e-mohammad sallallāh

tū sab meñ nihāñ sab tujh se ayaañ hai tere liye ye kaun-o-makāñ

bāhar hai bayāñ se terī sanā ai nūr-e-mohammad sallallāh

tanzīh tū hī tashbīh tū hī har vaj.h se hai taujīh tū hī

hai terī sifat laulāka-lamā ai nūr-e-mohammad sallallāh

har husn-e-adā hai terī adā hai terī haqīqat kun se judā

āshiq hai tirī sūrat pe ḳhudā ai nūr-e-mohammad sallallāh

jab tū ne dikhāyā rū-e-hasīñ arvāh-e-jahāñ mir.āt banīñ

maujūd hue ye mā-o-shumā ai nūr-e-mohammad sallallāh

āġhāz tū hai anjām tū hai īmān tū hī islām tū hai

hai tujh pe 'azīz-e-ḳhasta fidā ai nūr-e-mohammad sallallāh

har samt mein hai tu jalwa-numa ai nur-e-mohammad sallallah

aafaq ko tu ne gher liya ai nur-e-mohammad sallallah

dikhla ke chamak baala-e-falak aadam ko kiya masjud-e-malak

musa ko banaya inni-ana ai nur-e-mohammad sallallah

tu sab mein nihan sab tujh se ayan hai tere liye ye kaun-o-makan

bahar hai bayan se teri sana ai nur-e-mohammad sallallah

tanzih tu hi tashbih tu hi har wajh se hai taujih tu hi

hai teri sifat laulaka-lama ai nur-e-mohammad sallallah

har husn-e-ada hai teri ada hai teri haqiqat kun se juda

aashiq hai teri surat pe KHuda ai nur-e-mohammad sallallah

jab tu ne dikhaya ru-e-hasin arwah-e-jahan miraat banin

maujud hue ye ma-o-shuma ai nur-e-mohammad sallallah

aaghaz tu hai anjam tu hai iman tu hi islam tu hai

hai tujh pe 'aziz-e-KHasta fida ai nur-e-mohammad sallallah