hirs daulat ki na izz-o-jah ki

hirs daulat kī na izz-o-jāh kī

bas tamannā hai dil-e-āgāh kī

dard-e-dil kitnā pasand aayā use

maiñ ne jab kī aah us ne vaah kī

khiñch ga.e kan.āñ se yūsuf misr ko

pūchhiye hazrat se quvvat chaah kī

bas sulūk us kā hai manzil us kī hai

us ke dil tak jis ne apnī raah kī

vā.izo kaisā butoñ kā ghūrnā

kuchh ḳhabar hai samma vajhul-lāh kī

yaad aa.ī taaq baitullāh meñ

bait-e-abrū us but-e-dil-ḳhvāh kī

rāh-e-haq kī hai agar 'āsī' talāsh

ḳhāk-e-rah ho mard-e-haq-āgāh kī

hirs daulat ki na izz-o-jah ki

bas tamanna hai dil-e-agah ki

dard-e-dil kitna pasand aaya use

main ne jab ki aah us ne wah ki

khiñch gae kanāñ se yusuf misr ko

pūchhiye hazrat se quwwat chah ki

bas sulūk us ka hai manzil us ki hai

us ke dil tak jis ne apnī rah ki

wāizo kaisa butoñ ka ghūrnā

kuchh KHabar hai samma wajhul-lāh ki

yaad aai taq baitullah mein

bait-e-abru us but-e-dil-KHwah ki

rah-e-haq ki hai agar 'asi' talash

KHak-e-rah ho mard-e-haq-agah ki