husn-e-sarshār tirā dārū-e-be-hoshī hai
husn-e-sarshār tirā dārū-e-be-hoshī hai
hosh meñ kaun hai kis ko sar-e-mai-noshī hai
kuchh agar be-adabī hove to ma.azūr rakho
sohbat-e-mai-kashī-o-ālam-e-be-hoshī hai
joñ hilāl aap se yaksar maiñ huā huuñ ḳhālī
tujh se ai mehr-laqā shauq-e-ham-āġhoshī hai
bāñg-e-gul bā.is-e-gardan-shiknī hai gul kī
ġhuncha sālim hai ki jab tak use ḳhāmoshī hai
sar chaḌhā jaa.e hai ai zulf kasū kī tū magar
us parī-rū se tujhe aaj jo sargoshī hai
aap ho jaa.e hai us teġh-nigah ke aage
garche ā.īne ke jauhar se zarā poshī hai
umr ġhaflat hī meñ 'bedār' chalī jaanī hai
yaad hai jis kī ġharaz us se farāmoshī hai
husn-e-sarshār tirā dārū-e-be-hoshī hai
hosh meñ kaun hai kis ko sar-e-mai-noshī hai
kuchh agar be-adabī howe to mazūr rakho
sohbat-e-mai-kashī-o-ālam-e-be-hoshī hai
joñ hilāl aap se yaksar maiñ huā huñ ḳhālī
tujh se ai mehr-laqā shauq-e-ham-āġhoshī hai
bāñg-e-gul bāis-e-gardan-shiknī hai gul kī
ġhuncha sālim hai ki jab tak use ḳhāmoshī hai
sar chaḌhā jae hai ai zulf kasū kī tu magar
us parī-rū se tujhe aaj jo sargoshī hai
aap ho jae hai us teġh-nigah ke aage
garche āīne ke jauhar se zarā poshī hai
umr ġhaflat hī meñ 'bedār' chalī jaanī hai
yaad hai jis kī ġharaz us se farāmoshī hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
