ibn-e-adam barsar-e-paikar hai

ibn-e-ādam barsar-e-paikār hai

garm zulm-o-jaur kā bāzār hai

dandanāte phir rahe haiñ shar-pasand

kaun āḳhir us kā zimmedār hai

bo rahā hai buġhz-o-nafrat ke vo biij

jis kī apnī zehniyat bīmār hai

hai aziiz apnā use shaḳhsī mafād

maslahat-bīñ aaj kā fankār hai

ḳhūn-e-insāñ kī tijārat ke liye

jis ko apnā fā.eda darkār hai

kartā hai barham nizām-e-zindagī

sirf māl-o-zar se us ko pyaar hai

dekh kar chaliye zarā dām-e-fareb

vo shikārī dar-pa-e-āzār hai

rakhiye gird-o-pesh par apne nazar

gul ke pahlū meñ vo dekheñ ḳhaar hai

jis kī nazroñ meñ barābar hoñ sabhī

mulk-o-millat kā vahī me.amār hai

haq ne dī hai aap ko vo aql-e-kul

jo mohabbat kī alam-bardār hai

aao mil-jul kar use ham tai kareñ

zindagī kā jo safar dushvār hai

bhā.ī-chāre kī fazā qaa.em kareñ

aap kā 'barqī' yahi ġham-ḳhvār hai

ibn-e-adam barsar-e-paikar hai

garm zulm-o-jaur ka bazar hai

dandanate phir rahe hain shar-pasand

kaun aaKHir us ka zimmedar hai

bo raha hai bughz-o-nafrat ke wo bij

jis ki apni zehniyat bimar hai

hai aziz apna use shaKHsi mafad

maslahat-bin aaj ka fankar hai

KHun-e-insan ki tijarat ke liye

jis ko apna faeda darkar hai

karta hai barham nizam-e-zindagi

sirf mal-o-zar se us ko pyar hai

dekh kar chaliye zara dam-e-fareb

wo shikari dar-pa-e-azar hai

rakhiye gird-o-pesh par apne nazar

gul ke pahlu mein wo dekhen KHar hai

jis ki nazron mein barabar hon sabhi

mulk-o-millat ka wahi meamar hai

haq ne di hai aap ko wo aql-e-kul

jo mohabbat ki alam-bardar hai

aao mil-jul kar use hum tai karen

zindagi ka jo safar dushwar hai

bhai-chaare ki faza qaem karen

aap ka 'barqi' yahi gham-KHwar hai