dagh-ha-e-gham ne ehsan kar diya

dāġh-hā-e-ġham ne ehsāñ kar diyā

sīna-o-dil ko gulistāñ kar diyā

sāqī-e-kHum-kHāna-e-tauhīd ne

dil ko mast-e-jām-e-'irfāñ kar diyā

jab ruḳh-e-zebā dikhāyā yaar ne

dekhne vāloñ ko hairāñ kar diyā

husn ne maftūñ kiyā apnā mujhe

'ishq ne be-sāz-o-sāmāñ kar diyā

haiñ karishme ye bhī husn-o-'ishq ke

mujh ko muflis tujh ko sultāñ kar diyā

'vāqif' apne pīr-e-kāmil ke nisār

marham-e-asrār-e-pinhāñ kar dayā

dagh-ha-e-gham ne ehsan kar diya

sina-o-dil ko gulistan kar diya

saqi-e-kHum-kHana-e-tauhid ne

dil ko mast-e-jam-e-'irfan kar diya

jab ruKH-e-zeba dikhaya yar ne

dekhne walon ko hairan kar diya

husn ne maftun kiya apna mujhe

'ishq ne be-saz-o-saman kar diya

hain karishme ye bhi husn-o-'ishq ke

mujh ko muflis tujh ko sultan kar diya

'waqif' apne pir-e-kaamil ke nisar

marham-e-asrar-e-pinhan kar daya