hai ajab naqsha but-e-maghrur ka

hai 'ajab naqsha but-e-maġhrūr kā

huur kī tasvīr jalva nuur kā

band kiiñ āñkheñ to dekhā aap ko

gosha-e-dil meñ hai jalva tuur kā

naaz uThātā huuñ mujhe bosa mile

dil zarā to ḳhush karo mazdūr kā

sāya-e-gesū meñ hai dīvāna dil

tuul hai qissa shab-e-daijūr kā

dil kī ’ainak se nazar aatā hai 'arsh

maiñ tamāsha dekhtā huuñ duur kā

har ghaḌī mimbar pe tausīf bahisht

'ishq vā'iz ko hai pinhāñ huur kā

siina bariyāñ chashm giryāñ be-qarār

haal hai ye ‘vāqif’-e-ranjūr kā

hai 'ajab naqsha but-e-maghrur ka

hur ki taswir jalwa nur ka

band kin aankhen to dekha aap ko

gosha-e-dil mein hai jalwa tur ka

naz uThata hun mujhe bosa mile

dil zara to KHush karo mazdur ka

saya-e-gesu mein hai diwana dil

tul hai qissa shab-e-daijur ka

dil ki ’ainak se nazar aata hai 'arsh

main tamasha dekhta hun dur ka

har ghaDi mimbar pe tausif bahisht

'ishq wa'iz ko hai pinhan hur ka

sina bariyan chashm giryan be-qarar

haal hai ye ‘waqif’-e-ranjur ka