ishwa hai naz hai ghamza hai ada hai kya hai

ishva hai naaz hai ġhamza hai adā hai kyā hai

qahr hai sehr hai jaadū hai balā hai kyā hai

yaar se merī jo karte haiñ sifārish aġhyār

makar hai uzr hai qaabū hai daġhā hai kyā hai

tujh ko kis naam se ai faḳhr mare yaad karūñ

baap hai piir hai murshid hai ḳhudā hai kyā hai

tum jo be vaj.h satāte ho mirī jaañ mujhe

ḳhuub hai nek hai behtar hai bhalā hai kyā hai

rū-ba-rū us ke kabhū baat na sudhrī ham se

hilm hai chain hai dahshat hai hayā hai kyā hai

nazm ko sun ke mirī hañs ke ye bolā vo shoḳh

mad.h hai shukr hai shikva hai gilā hai kyā hai

ye jo us shoḳh pe karatā hai 'bayāñ' jaan nisār

ḳhabt hai ishq hai saudā hai vafā hai kyā hai

ishwa hai naz hai ghamza hai ada hai kya hai

qahr hai sehr hai jadu hai bala hai kya hai

yar se meri jo karte hain sifarish aghyar

makar hai uzr hai qabu hai dagha hai kya hai

tujh ko kis nam se ai faKHr mare yaad karun

bap hai pir hai murshid hai KHuda hai kya hai

tum jo be wajh satate ho meri jaan mujhe

KHub hai nek hai behtar hai bhala hai kya hai

ru-ba-ru us ke kabhu baat na sudhri hum se

hilm hai chain hai dahshat hai haya hai kya hai

nazm ko sun ke meri hans ke ye bola wo shoKH

madh hai shukr hai shikwa hai gila hai kya hai

ye jo us shoKH pe karata hai 'bayan' jaan nisar

KHabt hai ishq hai sauda hai wafa hai kya hai