sharma gae laja gae daman chhuDa gae

sharmā ga.e lajā ga.e dāman chhuḌā ga.e

ai ishaq marhabā vo yahāñ tak to aa ga.e

dil par hazār tarh ke auhām chhā ga.e

ye tum ne kyā kiyā mirī duniyā meñ aa ga.e

sab kuchh luTā ke rāh-e-mohabbat meñ ahl-e-dil

ḳhush haiñ ki jaise daulat-e-kaunain pā ga.e

sehn-e-chaman ko apnī bahāroñ pe naaz thā

vo aa ga.e to saarī bahāroñ pe chhā ga.e

aql-o-junūñ meñ sab kī thiiñ rāheñ judā judā

hir-phir ke lekin ek hī manzil pe aa ga.e

ab kyā karūñ maiñ fitrat-e-nākām-e-ishq ko

jitne the hādsāt mujhe raas aa ga.e

sharma gae laja gae daman chhuDa gae

ai ishaq marhaba wo yahan tak to aa gae

dil par hazar tarh ke auham chha gae

ye tum ne kya kiya meri duniya mein aa gae

sab kuchh luTa ke rah-e-mohabbat mein ahl-e-dil

KHush hain ki jaise daulat-e-kaunain pa gae

sehn-e-chaman ko apnī bahaaron pe naz tha

wo aa gae to sari bahaaron pe chha gae

aql-o-junun mein sab ki thin rahen juda juda

hir-phir ke lekin ek hi manzil pe aa gae

ab kya karun main fitrat-e-nakaam-e-ishq ko

jitne the hadsat mujhe ras aa gae