jo dekhe qad ko teri sarw-e-bostan jal jae

jo dekhe qad ko terī sarv-e-bostāñ jal jaa.e

sharār-e-nālā-e-qamrī se āshiyāñ jal jaa.e

bayān-e-soz meñ jiyūñ sham.a ye zabāñ jal jaa.e

zabāñ to kyā hai ki ik-dam meñ ustuḳhvāñ jal jaa.e

bayāñ maiñ kyūñki karūñ aah soz-e-dāġh-e-gigar

misāl-e-sham.a kī dam lene suuñ zabāñ jal jaa.e

badan moñ jis kī tap-e-ishq kī lahar pahuñche

misāl pamba kī ik-dam meñ ustuḳhvāñ jal jaa.e

jo dekhe qad ko teri sarw-e-bostan jal jae

sharar-e-nala-e-qamri se aashiyan jal jae

bayan-e-soz mein jiyun shama ye zaban jal jae

zaban to kya hai ki ik-dam mein ustuKHwan jal jae

bayan main kyunki karun aah soz-e-dagh-e-gigar

misal-e-shama ki dam lene sun zaban jal jae

badan mon jis ki tap-e-ishq ki lahar pahunche

misal pamba ki ik-dam mein ustuKHwan jal jae