jo wo bahaar-e-azar-e-KHubi chaman mein aata KHiram karta
jo wo bahaar-e-azar-e-KHubi chaman mein aata KHiram karta
Meer Muhammad Bedar
MORE BYMeer Muhammad Bedar
jo vo bahār-e-azār-e-ḳhūbī chaman meñ aatā ḳhirām kartā
sanobar-o-sarv har ek aa kar zarūr us ko salām kartā
figār teġh-e-sitam ke ab tak kareñ haiñ naala ba-rañg-e-bulbul
qayāmat ai gul ajab hī hotī tū gar kisī se kalām kartā
jo paatā lazzat basān-e-sāqī mai-e-mohabbat se terī zāhid
nikal haram se vo but-kade meñ maqām apnā mudām kartā
jo uuprī rū tujhe dikhātā jamāl apnā to vohīñ nāseh!
hamāre mānind chhoḌ ghar ko galī meñ us kī qayām kartā
ḳhayāl us ke se itnī fursat kahāñ ki fikr-e-suḳhan karūñ maiñ
vagarna 'bedār' is ġhazal ko qasīda meñ lā kalām kartā
jo wo bahaar-e-azar-e-KHubi chaman mein aata KHiram karta
sanobar-o-sarw har ek aa kar zarur us ko salam karta
figar tegh-e-sitam ke ab tak karen hain nala ba-rang-e-bulbul
qayamat ai gul ajab hi hoti tu gar kisi se kalam karta
jo pata lazzat basan-e-saqi mai-e-mohabbat se teri zahid
nikal haram se wo but-kade mein maqam apna mudam karta
jo upri ru tujhe dikhata jamal apna to wohin naseh!
hamare manind chhoD ghar ko gali mein us ki qayam karta
KHayal us ke se itni fursat kahan ki fikr-e-suKHan karun main
wagarna 'bedar' is ghazal ko qasida mein la kalam karta
- Book : Diwan-e-Bedar Edited: Mohammad Husain Mahwi (Pg. 5)
- Author : Meer Mohammad 'Bedar'
- Publication : Shahi Press Tizlipkian, Madras (1935)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
