kalam-ul-lah ki tafsir hun main

kalām-ul-lāh kī tafsīr huuñ maiñ

jamālullāh kī tasvīr huuñ maiñ

kahīñ to qā.il-e-taqdīr huuñ maiñ

kahīñ par nāḳhun-e-tadbīr huuñ maiñ

mujh hī meñ haiñ musavvir kī adā.eñ

isī ke naaz kī tasvīr huuñ maiñ

farishtoñ kā kiyā muñh band maiñ ne

ġhazab kī boltī tasvīr huuñ maiñ

qafas meñ lauT kar kahtī hai bulbul

karūñ kyā basta-e-zanjīr huuñ maiñ

malā.ek ne kiyā hai rashk mujh par

kuchh aisī muntaḳhab tasvīr huuñ maiñ

maiñ ma.ashūq huuñ yā nāz-o-andāz

kahīñ par āshiq-e-dil-gīr huuñ maiñ

bahut nāzāñ huā me.amār-e-qudrat

banā kar mujh ko vo ta.amīr huuñ maiñ

mohabbat ne mujhe rusvā kiyā hai

vagarna bā.is-e-tash.hīr huuñ maiñ

qafas kī āmad-e-shud kah rahī hai

ba-hardam hālat tafsīr huuñ maiñ

sadā-e-yār kānoñ meñ bharī hai

isī se sūrat-e-tasvīr huuñ maiñ

kahāñ ke ḳhaak bād-o-āb-o-ātish

ziyā-e-ḳhās kī tanvīr huuñ maiñ

hayā ke dar se rusvā kaise uThūñ

ki yak dar-gīr-o-mustahkam-gīr huuñ maiñ

kalam-ul-lah ki tafsir hun main

jamalullah ki taswir hun main

kahin to qail-e-taqdir hun main

kahin par naKHun-e-tadbir hun main

mujh hi mein hain musawwir ki adaen

isi ke naz ki taswir hun main

farishton ka kiya munh band main ne

ghazab ki bolti taswir hun main

qafas mein lauT kar kahti hai bulbul

karun kya basta-e-zanjir hun main

malaek ne kiya hai rashk mujh par

kuchh aisi muntaKHab taswir hun main

main mashuq hun ya naz-o-andaz

kahin par aashiq-e-dil-gir hun main

bahut nazan hua meamar-e-qudrat

bana kar mujh ko wo tamir hun main

mohabbat ne mujhe ruswa kiya hai

wagarna bais-e-tashhir hun main

qafas ki aamad-e-shud kah rahi hai

ba-hardam haalat tafsir hun main

sada-e-yar kanon mein bhari hai

isi se surat-e-taswir hun main

kahan ke KHak baad-o-ab-o-atish

ziya-e-KHas ki tanwir hun main

haya ke dar se ruswa kaise uThun

ki yak dar-gir-o-mustahkam-gir hun main